今日比個阿婆笑死.....
首先係門口按門鐘，屋內老伯大叫開門，良久才有一阿婆開門。
一入屋阿婆就禮貌地話：下次大聲d嘛....
我回：我按門鐘架喎！
佢再話：都係吖，大聲d嘛！我口呆....
屋內雜物處處，窗全關上，很難才找到一處小牀邊替其兒子執葯。
坐下，背後突來微風，原來婆婆替我砵扇....
"婆婆唔使啦，得架啦!"....."我順利幫自己砵之嘛＂，
然後問其身後老伯＂吖，我哋屋企教唔教得風扇架？＂
阿婆問咗幾次，但阿伯掛住食飯唔彩阿婆！
之後阿婆就係到搵嘢，左搵右搵，就係我執執吓藥時，
佢攞住支葯油同我講：佢好好架，好有用架，搽吓腰骨，好吖！＂....
"好架， 攞去搽吖，搽吓啦"
我話唔使唔要喇....
佢話：攞啦攞啦，攞番去比你阿媽啦....你有阿媽架嘛？
我望注阿婆，都唔知點答：我有我有....不過佢唔使用啦，你留番佢愛嚟看門口啦！
然後阿婆話：咁又係，我愛人送比我架！！
之後佢收埋支油，又係到搵嘢摷櫃挏.....
未幾，就揸住隻約十吋大嘅瓷碟同我講：隻碟好靚架，拎番去啦，放係屋企，遲d就係古董嚟架啦.... 我汗顏！！
沒有留言:
張貼留言